三千萬的爛笑話

原本教院單野當笑話睇，以為係免費娛樂，
之後特首俾人爆大鑊佢爆響口定性單野有 政治陰毛，
以為又多個腳色，自己玩選舉遊戲玩到自己都信埋真係有得選，會陸續有笑料爆。
會越來越抵死兼抵睇之際，
頂佢丫，
特首唔知係咪要補鑊定係 驚立法會開壇越查越大煲，
快快手話開個 「獨立調查委員會」，搵那 胡國興 調查，
大法官呢個角色是獨立的，不過胡大法官本身我不敢恭維，
條友同范太一樣係咁扮獨立，不過D戲實在麻麻地。
最仆街仲係政府話明 呢單野阿公要俾總費用約為3000萬元。
幾條高官白痴，結果又係駛阿公錢搞Show，
最後調查又不了了之，拖下調下又過關。

才知道原來呢單爛笑料，仲貴過睇進念東宮西宮。
認真蝕水。

「按政府定下的職責，委員會將有三大任務﹕
一、確定陸鴻基在發給教職員的信中，對教統局提出的3項指控，包括有教統局官員要求教院校長莫禮時 解僱批評教改的教職員等（見圖），是否屬實；

二、查明教統局長或其他政府官員，有否干預教院學術自由或自主權；

三、建議政府以後向教院表達有關行使教院權力或貫徹其宗旨的意見時，可採取的方法。」

頂!!! 認真係有無搞Q錯。三大任務究竟點解要洗大家 3000萬元？？ 有無人知點洗？？
平均每個任務駛成1000萬？？個委員會係咪請好多人？俾好多水的？？係我都想去做，我思想算獨立，照計夠料賺番一千幾百。其實第三個任務認真得啖笑。點解咁高級咁犀利的高官，連點同人溝通都要花成1000萬搵個「獨立委員會」教？？ 荒謬唔荒謬？？ 其實想同人好好溝通，一字咁淺，講番「人話」咪得囉，高官們。