甜足一年 從何說起？

其實今年財政預算案實在都算賣大飽了。不過唐司長講野真係幾唔得。有時做完好事都留低手尾俾人笑。
在電視上聽到唐生話退稅不會出番票俾番納稅人，而等係下年扣。被主持人問到時他說因為想大麼甜足一年甚麼的。
呢個答案實在認真不得了。

那些是退稅，不是你「派」給我的，是你收多了我交多了的，家下你退番原本是我的錢給我，但不是家下俾，要下次扣，下次收少D。
咁清醒地諗一下，我有錢在你處你不給，還說是想讓我甜足一年？？ 這究竟是甚麼道理？？

如果咁都成理，咁每個月返完工，老板出糧時扣起D，留番下次先出，然後向你說，想你甜足一個月。我是多麼的為你。大家會否O晒咀？咁點解納稅人交稅時出年都未到就要今年俾埋出年暫繳稅，我都想對政府好D，稅Keep在我手耐一點，讓政府甜到天長地久的地步。

還有，一點非常抵死的措施，綜緩戶點解無啦啦有雙糧花紅出？呢樣野認真騎呢兼出位。即係咁，我完全明白有好多人好多家庭的確有此需要，不過就算你要派，點解又唔分開一年為期，每月加些少咁派？避免又有賤人呃綜緩之輩，無啦啦今個月又可以去旅行，賭多幾場波使大D。此舉既無咁礙眼，綜緩戶又每個月都可以鬆動D，更可以與唐生那 「甜足一年」的「道理」貫徹一致，完全呼應。家下的處理手法，好心做壞事，社會已經對拿綜緩的人頗多言論，讓真正有需要的人（不是那班呃錢的人渣）飽受畸視。雖然開庫鬆手，有退稅的未能即時Happy，貧窮需要緩手的，收下緩助同時，也得承受隨之而來的白眼，真係何苦......