「大姨媽」!!! 可唔可以講少句 當幫忙？？

先旨聲明，本人極憎擦鞋仔，主人未出聲就飛身出來說三道四的人，實在不知所謂之極，唔知佢地竎心態，可能唔講講下野驚媒體驚香港人唔鬼記得自己，驚主子不再關愛，於是要開口講野。今日新聞又睇到某前高官發聲，唔睇尤自可，睇完實在忍唔住小小聲。

她在位時自己已經對佢好反感，荒謬到離晒譜，在其位要睇住本港法律，但就夠膽死以怕傷害公眾利益為由唔告有錢人。讀咁多書都可以講野反智成咁，實在充滿中國特色。她引退後改由年青才俊上任，我不知幾開心，覺得是近年政府做得最的事。咁耐沒在媒體前露臉，其「敢言」及惹火功架依然，果然實刀未老。

她講特首選舉，就好一副太監咀臉。前高官 話候選人梁家傑政綱裡說改基本法，要求特區主要官員不用由中央委任。就是「不信任」「不接受」中央。大姐，人地是選舉政網，不是實際運作。兼且全香港阿水都知梁家傑是鐵定選不成，那套政網是註定無法實行的。曾生會輸的機會是零，有搏彩公司肯開盤，無論賠率有幾低，我諗大家都可以狂借錢當簠展咁身買落去。買曾生鐵膽穩贏，肯定比抽國企新股更好搵，邊有得輸呀喂？曾生作為頂頭大熱、直接對手都醒醒目目費事回應，緣何總是要「皇帝唔急太監來急」？？再說，特區主要官員不用由中央委任。就是「不信任」「不接受」中央。前高官 最Cute還是變身兩方面代言人，以她權威估計，一方面「梁候選人」是搞港獨。另一方面「中央」主人是不會接受的。大律師唔係要Logic清楚過人的嗎？有點常識都應該知 不用委任 唔等如 不信任 不接受吧？ 還有，中央主人未出聲，曾特首唔出聲，梁生政網無話自己搞甚麼毒？前高官閣下究竟你算老幾？可唔可以醒少少講少句當幫忙？

阿媽幫你揀個「好女仔」行下行下想你結個婚生個仔，你「建議」阿媽唔駛操心，點知阿媽未出聲，大姨媽就搶白話你唔尊重阿媽，唔放阿媽在眼內，是不信任不接受阿媽。家裡如果有個咁「大姨媽」，家裡後生仔會好Q憎佢，阿媽唔客氣講呢D咁老而不正式攪屎棍，惟恐天下不亂。最頂癮看到有個大姨長在流晒眼淚，原來他是感懷身世，悲從中來，他就是聽從他老媽子大人的「選擇」，唔敢「不信任」「不接受」阿媽的眼光，於是咪硬食呢位「大姨媽」，就咁一世囉。阿媽相人，未必相中好野，成個大姨媽有辦你睇，死未。

還有一點「超低能」「勁搞笑」的，大姨媽話 「普選」唔等於「民主」，如果係真，咁大家唔駛驚啦，快快普選，反正有得俾你選都唔代表竎嘛。班記者又係無吉士，點解唔問下佢究竟乜春先叫做可以等於「民主」，等大家大開耳界，有得笑下嘛。